Un amplo dispositivo busca un octoxenario desaparecido o sábado en Moaña
...
...
O home non regresou á casa despois de dar un paseo tras xantar e a súa familia alertou a Garda Civil, que coordina o dispositivo Un operativo de busca coordinado pola Garda Civil trata de localizar o paradoiro dun octoxenario desaparecido este sábado en Moaña (Pontevedra). O dispositivo, activado na tarde do sábado, prolongouse durante a madrugada do domingo sen que aínda aparecese.
O home, con domicilio na Xeira, adoita saír pasear despois de xantar e, porén, desta volta non volveu á casa, segundo a información recollida polo 112 Galicia. A súa familia saíu buscándoo polos lugares que adoitaba frecuentar sen éxito, polo que informou os axentes do instituto armado.
Esta circunstancia levou a Garda Civil a activar arredor das 17.00 horas a busca, que segue en marcha coa participación de efectivos da Policía Local de Moaña e de Protección Civil. Ademais, o Grupo de Apoio Loxístico (Gali) da Axencia Galega de Emerxencias (Axega) incorporou o equipo de drons, que se retirou tras varias horas de rastrexo. Pola súa banda, a Garda Civil seguirá incorporando máis medios especializados co fin de localizar o home.
Texto de Galicia Confidencial tal como lo publicó, leído de su página y mostrado aquí con el formato de El Autómata. El original, en galiciaconfidencial.com · Volver a la noticia de El Autómata